Resmı málimetterge sáıkes, oblys boıynsha 2017 jyly aýyl sharýashylyǵynyń jalpy ónim kólemi 13,7 mlrd.teńge, onyń ishinde egin sharýashylyǵynda 2,8 mlrd. teńge, mal sharýashylyǵynda 10,9 mlrd. teńge boldy. Jalpy ónimniń naqty kólem ındeksi (NKI) –108,2% onyń ishinde egin sharýashylyǵynda 133%, mal sharýashylyǵynda 108,2% qurady.Sonymen qatar jalpy kólemi 20 gektardy quraıtyn 27 jylyjaı jumys isteýde. 2018 jyly alańy 27 ga quraıtyn, 31 jylyjaılar kesheni jumys jasaıtyn bolady. Aldaǵy ýaqytta da oblys halqyn jergilikti kókónis jáne baqsha ónimderimen tolyq qamtý úshin jylyjaı keshenderin odan ári damyta túspek.
- Usaq sharýashylyqtardy biriktire otyryp, iri qurylymdar qurýdy kózdegen Úkimet saıasatyn júzege asyrý maqsatynda 2016-2017 jyldary óńirde 20 aýyl sharýashylyǵy kooperatıvteri quryldy. Búgingi tańǵa 3 kooperatıv («Beıneý» (mal soıý pýnkti), «Bergen Bek» (mal soıý pýnkti), «Segizbaı Ata» (et konservileý) qyzmetin jolǵa qoıyp, jumys bastady. Elbasymyz shaǵyn jáne orta bıznesti barynsha qoldaý, sonyń ishinde nesıe resýrstaryna qoljetimdilikti jeńildetý kerek ekenin basa aıtyp keledi.Osy baǵytta 2017 jyly respýblıkalyq bıýdjetten bólingen 474 mln teńge tolyqtaı ıgerilip, nátıjesinde aýyldyq eldi mekenderde turatyn 130 azamatqa shaǵyn nesıe berilip, 219 adam jumyspen qamtyldy. 2018 jylǵa bul qarjy 4 ese ósip, 2,0 mlrd. teńgeni qurap otyr.2018-2019 jyldary qus etin óndirý fabrıkasy, qus sharýashylyǵy, kókónis saqtaý qoımalary, jylyjaılar kesheni qurylysy sııaqty iri jobalar iske asyrylatyn bolady, dedi Mańǵystaý oblysynyń ákimi Eraly Toǵjanov.
Statıstıkalyqmálimetkesáıkes 2017 jyly 2016 jylmensalystyrǵanda:
iriqara – 17 000 bas bolyp, 12,9% -ǵaósse, qoı– 279 000 bas bolyp, 1,3%-ǵaósti. Al, eshki – 87 000 bas bolyp, 9,7%-ǵa ósti, jylqy – 66 000 bas bolyp, 4%-ǵa ósti. Sondaı-aq, túıe – 55 000 bas bolyp, 2,9%-ǵa ósse, qus – 37 000 bas bolyp, 25,8% ósti.О́ńirde barlyǵy 138 000 bas iri qara mal, 366 000 bas usaq mal – barlyǵy 504 000 bas mal bar dep esepteledi.
-Nátıjeli jumyspen qamtý jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasy negizinde aýyldyq eldi mekenderde aýyl sharýashylyǵyn damytý maqsatynda beriletin kredıt boıynsha 2017 jyly respýblıkalyq bıýdjetten 474 000,0 myń teńge qaralyp, túgeldeı ıgerildi (aýyldyq eldi mekenderde turatyn 130 azamatqa shaǵyn nesıe berilip, 219 adam jumyspen qamtyldy). Al 2018 jyly 490 251,0 myń teńge bólindi. (150 adamǵa kredıt berilip, 250 adam jumyspen qamtylady dep josparlanýda.) Qosymsha 1,5 mlrd. teńge qarjy suralýda», - dedi Mańǵystaý oblysynyń aýyl sharýashylyǵy basqarmasy basshysy Serik Qaldyǵul.
Saladaǵy jumystar jalǵasyn tabýda. Bıylǵy 6 aı ishinde Munaıly aýdanynda jylyna 1000 tonna ónim beretin jańa ınnovasııalyq tehnologııamen jabdyqtalǵan 3 ga jylyjaı qurylysy aıaqtaldy. Qazirgi ýaqytta qosymsha keńeıtý jumystary júrgizilýde. Joba 2018 bastap iske qosyldy. 42 jumys orny ashylady dep kútilýde. Sondaı-aq, 50 tonna qııar shyǵaratyn Qaraqııa aýdanyndaǵy «Senek» JShS bazasyndaǵy 0,3 ga jylyjaı kesheni qurylys jumystary aıaqtaldy. 10 jumys orny ashylady dep kútilýde.Jylyna 143 mln. dana jumyrtqa óndiretin fabrıka qurylysy josparlanýda, ol isk eqosylǵan kezde50 jumys orny ashylmaq. Túpqaraǵan aýdanyndaǵy Aqshuqyr aýylyndaǵy 3ga jylyjaı keshenin keńeıtý qurylysy jumystary aıaqtalýda, ol 15 jumys ornyn ashýǵa laıyqtalǵan.
Josparlanǵan jobalar arasynda 15 adamǵa jumys orny tabylatyn Aqtaý qalasynda 2 ga jylyjaı kesheni qurylysy men 115 adamnyń jumys ornyna aınalatyn Túpqaraǵan aýdany qus eti zaýytyn salý bar.
2018 jylǵa josparlanǵan jobalardyń ınvestısııalyq quny shamamen 8, 808 mlrd teńge quraıdy. Barlyǵy 237 jumys orny ashylady.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
